Бұл санынан оқитындарыңыз / Читайте в этом номере

"Ұстаз Әлемі-Педагогический мир" №8(27)-2019

Подать статью для публикации:

Талаптар / Требования

Информационно-педагогическая газета ВКО - Мектепке дейінгі білім беру

Балабақшадағы адамгершілік тәрбиесі

 

 

 

Ахмадиева Айгерим Нұрлыбекқызы.,  «Ақ бота»  балабақша-бөбекжайының тәрбиешісі,  Өскемен қаласы

 Бүгінгі таңда мектепке дейінгі мекемемеде білім берудегі басты талаптардың бірі- жас ұрпаққа рухани тәрбие беру. Адамгершілік –бұл әр адамға тән қасиет.  Халықта «Ағаш түзу өсу үшін оған бұтақ кезінде көмектесуге болады, ал үлкен ағаш болғанда оны түзете алмайсың» деп бекер айтылмаған. Баланың бойына жастайынан ізгілік, мейірімділік, қайырымдылық, яғни адамгершілік құнды қасиеттерді сіңіріп, өз-өзіне сенімділікке тәрбиелеу отбасы мен балабақшаның басты міндеттерінің бірі Сондықтанда балаларды рухани адамгершілікке тәрбиелеуде отбасымен балабақшаның ынтымақтаса еңбек етуінің ықпалы өте зор.

Подробнее...

Мектеп жасына дейінгі балаларға ұлттық тәрбие берудің маңызы

Жунусова Асем., «Ақ бота» балабақшасының тәрбиешісі, Өскемен қаласы

Еліміздің болашағы, ұлтымыздың ертеңі – бүгінгі жас ұрпақ. Өз елінің ұлттық рухын бойына сіңіріп өскен балаларымыз болашақта өз халқын биік белестерге жетелей біледі. Сондықтан да болашақта еліміздің , ұлтымыздың тізгінін ұстай білетін саналы жас ұрпақ тәрбиелеу басты міндеттеріміздің бірі. Бүгінгі күні жеке тұлғаны Қазақстандық патриотизм мен Отансүйгіштік рухта тәрбиелеу барысында Қазақстанның білім және ғылым қызметкерлерінің II сьезінде еліміздің президенті Н.Ә.Назарбаев «Қазақстанның Отаншылдық сезімін тәрбиелеу білім берудің мектепке дейінгі жүйесінен жоғары оқу орындарына дейінгі орталықтарда , барлық ұйымдарда көкейкесті болып табылады. Балаларды Отанды, туған жерді, өзінің халқын сүюге тәрбиелеу – мұғалімнің аса маңызды, аса жауапты парызы» - деп, атап көрсетті. Қазақстан мемлекетінің егемен ел болып қалыптасып, дербес мемлекет болуы және өркендеп гүлденуі ұлттық біртектілікті сақтаудан басталады. Жас ұрпақтың бойына ата-дәстүрімізді қалыптастыра отырып, елім дейтін болашақ азаматты тәрбиелеуде балабақшаның орны ерекше.

Подробнее...

Мектеп жасына дейінгі балалардың саусағын ойната отырып, ауыз әдебиеті арқылы тілін дамыту

Кунафина Л.М., «Күншуақ» балабақшасының тәрбиешісі,  Курчатов қаласы

       «Бала қабілетінің қайнар көзі – оның саусақтарының  ұшында», – деп кемеңгер ғалым, педагогиканың атасы В.А.Сухомлинский айтқандай, баланың саусақтарындағы ұсақ моторикаларды дамыту туралы біз көп естиміз. Ал ол моториканы дамыту не үшін керек? Ұсақ моториканы дамыту бұл ең алдымен сөйлеуді, тілді дамыту үшін керек екен. Ғалымдардың дәлелдеуінше, ағзадағы барлық қозғалысқа жауап беретін ми қыртыстарының үштен бір бөлігінің жүйке нүктелерінің кескіні алақан мен саусақтарда орналасқан екен. Сондықтан зерттеушілер алақанды екінші тіл деп те атаған. Яғни, екі алақан мен саусақтардың ұсақ моторикасын дамыту арқылы баланың есте сақтау, ойлау, пайымдау, зейін салу,сөйлеу сияқты қабілеттерін жақсарта алады екенбіз.
      Баланың саусақтарындағы ұсақ моториканы дамытудың жолдары сан алуан. Мұны баланың жас мөлшеріне қарап таңдау керек. Саусақтарға жаттығу жасау, түрлі дақылдармен сурет салу, түймелерді тізу, мозайкаларды жинау, асық ойнау, саусақпен сурет салу, ермексаз, балшықтан түрлі бұйымдар жасау, түйме қадау, кесте тоқу, моншақ тізу, оригами, түрлі табиғи заттардан топырақ, жапырақ, ағаш, тас бұйымдар жасау. Саусаққа киетін қуыршақтармен және саусақтың көлеңкесімен ойнау.
      Саусақ ойыны – бұл ұрпақтан-ұрпаққа жалғасын тауып келе жатқан, әрі үлкен мәні бар мәдени шығармашылық. Саусақ ойыны – саусақтардың көмегімен қандай да болмасын ертегіні немесе өлең-тақпақ шумағын сахналау болып табылады. Саусақ ойыны арқылы баланың сөйлеуге деген талпынысы, қабілеті дамып, ынтасы артады және шығармашылық әрекетіне жол ашылады. Саусақ ойынын ойнай отырып, балалар қоршаған ортадағы заттар мен құбылыстарды, жан-жануарларды, құстарды және ағаштарды бейнелей алады. Саусақтарының қозғалыс-қимылына қарап, бала қуанады, шаттанады, сөзді айтуға тырысады және өлеңдегі үйренген сөз шумақтарын қайталап айта отырып, есінде сақтайтын болады. Сонымен қатар балалар екі қолын қимылдата отырып, оң, сол, жоғары, төмен сияқты түсініктерді бағдарлай алуды үйренеді. Ал тіл кемістігі кездесетін балалардың жалпы қимылдары, соның ішінде саусақ бұлшық етінің қимылдары жеткілікті деңгейде дамымайды.

Подробнее...

Дәстүрден тыс бейнелеу тәсілдерін қолдану арқылы мектеп жасына дейінгі балалардың шығармашылық қабілетін дамыту

Катпенова Гульжанат Абдргалиевна,  

«Өрлеу» БАҰО» АҚ филиалы  ШҚО бойынша ПҚ БАИ-дың  аға оқытушысы

Мусаханова Алма Увалиевна,

 «Зәки Ахметов атындағы

 № 16 орта мектебі» КММ-нің  «Құлыншақ» шағын орталығы

«Балдырған» тобының тәрбиешісі, Өскемен қаласы

Балалардың бейнелеу шығармашылығы – қызықты бейнелер мен ашық бояулар әлемі. Олар өздерінің ғажайып қиялымен, ерекшелігімен ересектерді талай таңғалдырған. Сәбилер суретті ерекше ықыласпен және жиі салады. Оларды айналадағы қоршаған дүние әлемі өз қызығымен еліктіріп әкетеді. Балалардың сурет салу әдісін меңгеруі, олардың қабілеті дамуы болып табылады. Қазіргі кезеңде жаңа адамды қалыптастыру, оның шығармашылық белсенділігін дамыту басты назарға алынған. Сондықтан, сұлулықты сезіну, жоғары эстетикалық талғам қалыптастыру, өнер туындысын, туған табиғаттың сұлулығын түсіну және бағалауды жетілдіру қажет. Әртүрлі авторлардың (Г.Б.Кибишова «Вдохновение» бағдарламасы, И.А.Лыкова «Методическое пособие для специалистов дошкольных образовательных учреждении», Т.Н.Доронова «Природа, искусство и изобразительная деятельность детей», Р.Г.Казакова «Изобразительная деятельность в детском саду» еңбектерімен таныса отырып,біз көптеген қызықты идеялар кездестірдік және алдымызға мынадай мақсат қойдық.

Подробнее...

Мектеп жасына дейінгі балаларға патриоттық тәрбие беру арқылы субъектілік ұстанымдарын дамыту

 Оралханова Айгерім Оралханқызы,  «Ақ бота» балабақша-бөбекжайы» КМҚК әдіскері, Өскемен қаласы 

     Елімізге «Мәңгілік ел» идеясы - халықтың әл-ауқатын жақсартып, ынтымағын арттыратын, елді дамудың жаңа сатысына жетелейтін жаңа қадам. «Мәңгілік ел» идеясының маңыздылығын Елбасы Н.Ә.Назарбаев «Қазақстан жолы - 2050: бір мақсат, бір мүдде, бір болашақ» атты Жолдауының негізі етіп алып, бұл туралы өз сөзінде: «Бір жыл бұрын мен еліміздің 2050 жылға дейінгі дамуының жаңа саяси бағдарын жария еттім. Басты мақсат – Қазақстанның ең дамыған 30 мемлекеттің қатарына қосылуы. Ол – «Мәңгілік Қазақстан» жобасы, ел тарихындағы біз аяқ басатын жаңа дәуірдің кемел келбеті... Өткен тарихымызға тағзым да, бүгінгі бақытымызға мақтаныш та, гүлденген келешекке сенім де «Мәңгілік Ел» деген құдіретті ұғымға сыйып тұр» деген болатын. Халықты бір мақсатқа, бір мүддеге, бір болашаққа үндеген Елбасының бұл жолдауында ел халқына үлкен жауапкершілік жүктелген еді.

Подробнее...